小提琴之A弦騙案!

吼~!大家好, 開場白唔講咁多喇, 本人今日極之火滾, 原因係比人呃左...
你地dCM我一陣再睇, 呢篇post真係唔打唔舒服!!!

話說我琴晚喪練violin, 一切都好順利, 直至今日得閒戈陣, 狂拉琴, 拉到A弦既時候, 覺得d音色怪怪既... 於是我就自以為是, 自己校音~ (←呢點係抵死既 -_-)
搞左好耐, 個音仲係錯左, 我一時唔耐煩, 勁turn個制... "噔" 條A弦就係咁樣壯烈犧牲左啦...... (爽呀!! ^3^)

雖然好擔心, 不過最後都係決定左要順其自然~到時先算!
(省略咁d)
於是miss就叫我即刻去買過條弦, 話幫我安裝。(好人)

~某黑心琴行~
我: (東張西望)...hm.......
店員: 想要d咩?
我: hm, 唔該, 我想要一set弦, 小提琴用戈d。
店員: 哦, 等等! ... 喇, 有3款, 你想要邊款? (比我揀)
我: (款a- $2xx  款b- $16x 款c- $18x)...(驚!)哇~咁貴既...
店員: (指住款b) 呢個平d。
我: (check左一下) 呢...唔好意思, 我唔夠$買呀...咁, 都係買1條算啦......
店員: 邊條弦呀?
我: A...弦...
店員: 等我睇下先。(拎出一件野)拿!
我: (PRICE: $75) (媽呀~好好好貴呀!)...哦...好啦, 就要呢條弦~
店員: 果邊比$。

~回到課室~
(省略...)
我: 老師~我買左條弦啦! (遞)
miss: (見到個包裝, 囧左) 呢件貴野黎嫁wo!
我: (疑惑) 嗯??
miss: 拎個琴過黎丫。
我: 係!! (遞)
miss: 唔該! ...(安裝中) 你呀媽會唔會話你嫁, 買左條咁貴既弦~
我: 唔知呀...個店員淨係比左呢個我咋......
miss: 你唔問佢要d平d既?! 你個3條弦(冇斷戈3條)都唔洗幾蚊咋wo~!
我: (大驚+汗) 我...我冇心嫁! 我唔敢問佢呀, 驚唔好意思呀!
miss: 咩唔好意思?! 佢見你唔識揀咪比d咁貴既你囉! ...咁, 你有冇買1set?
我: (無奈) 我原本想買成set嫁, 不過要成百幾蚊, 我冇$比...所以......
miss: 好彩你冇買咋, 如果唔係大[劑]啊~

結果搞到我勁灰, 返到屋企仲要比呀媽炮轟, 真係好無奈囉!
我見個女店員個樣[試][試]正正, 先費事問佢有冇第2d, 點知佢原來係條斯文敗類!
呢間琴行實在太過分啦, 竟然咁樣蝦我呢d良好市民, 真係罪無可恕, 唔可以原諒呀!
今次真係搞到我好火滾......(係你自己白痴姐-v-")

仲之, 大家第日買樂器/音樂用品戈陣, 記得要小心d, 唔好比人呃左啦! (係得你一個會咁蠢比人呃姐 =_=)
********************************************************

(左) 正常既小提琴 (右) 囧爆既小提琴...